TMC MP మహువా మొయిత్రా 'ఫ్రీజ్' డిమాండ్‌పై విరుచుకుపడ్డారు; బీజేపీ డీలిమిటేషన్ కోసం ఫిరాయింపుదార్లను వాడుతోందన్నారు

TMC ఎంపీ మహువా మొయిత్రా తన బ్యాంకు ఖాతాలను స్తంభింపజేయాలన్న డిమాండ్‌పై ఆదివారం తీవ్రంగా స్పందించారు. పార్టీ అంతర్గత వ్యవహారం కాబట్టి ఎఫ్‌ఐఆర్ గురించి వివరాలు చెప్పనని చెప్పిన ఆమె, ఫిరాయింపుదార్లు, డీలిమిటేషన్ బిల్లుపై బీజేపీ వ్యూహాన్ని ఎండగట్టారు. టీఎంసీ అభ్యర్థుల ఎన్నికల ఖర్చు వివరాలు ఎన్నికల సంఘం వెబ్‌సైట్‌లో పారదర్శకంగా ఉన్నాయని, బ్యాంకు బదిలీ ద్వారా పార్టీ ఆడిటెడ్ ఫండ్ నుంచి రూ.25 లక్షలు ఇస్తారని, మొత్తం ఖర్చు రూ.26-27 లక్షలేనని ఆమె తెలిపారు. నేరసంపాదనతో గెలిస్తే రాజీనామా చేసి సొంత డబ్బుతో పోటీ చేయాలని ఫిరాయింపుదార్లకు సవాల్ విసిరారు. 'బీజేపీ ఏళ్ల తరబడి వీరిని దొంగలని తిట్టింది. ఇప్పుడు ఒకే పళ్లెంలో భోజనం చేస్తోంది. వీరి సాయంతో డీలిమిటేషన్ బిల్లు పాస్ చేయించుకోవాలని బీజేపీ తాపత్రయపడుతోంది. బిల్లు ఆమోదం పొందగానే వీరిని పక్కకు నెట్టేస్తుంది, రాజకీయ భవిష్యత్తు నాశనమవుతుంది' అని హెచ్చరించారు. ఫిరాయింపుల నిరోధక చట్టం, రాజ్యాంగంలోని 10వ షెడ్యూల్, సుప్రీంకోర్టు శివసేన తీర్పు (సుభాష్ దేశాయ్ vs మహారాష్ట్ర ప్రభుత్వం) ప్రకారం, రాజకీయ పార్టీ లేకుండా శాసనసభా పక్షం ప్రత్యేకంగా ఉండలేదనీ, అర్హత తొలగింపు స్పష్టమని పేర్కొన్నారు. వ్యంగ్యంగా మాట్లాడుతూ 'శాఖాహార, మాంసాహార విభాగాల్లా విడిపోవడం సాధ్యం కాదు' అని వ్యాఖ్యానించారు.