ఢిల్లీలో ఉద్యోగ్ భవన్ సమీపంలో భారీ అగ్నిప్రమాదం; మంటలు అదుపులోకి

ఢిల్లీలోని ఉద్యోగ్ భవన్ సమీపంలోని స్లమ్ ఏరియాలో అర్ధరాత్రి భారీ అగ్నిప్రమాదం జరిగింది. ఘటన సమాచారం అందుకున్న వెంటనే సహాయక చర్యలు ప్రారంభమయ్యాయి. మంటలు ఆర్పేందుకు 20 ఫైర్ ఇంజన్లతో పాటు ఫైర్ బైక్‌లను ఉపయోగించారు.

ప్రాథమిక అంచనాలో షార్ట్ సర్క్యూట్ వల్లే ఈ ప్రమాదం జరిగి ఉంటుందని అధికారులు భావిస్తున్నారు. మంటలు సమీపంలోని ఇతర భవనాలకు కూడా వ్యాపించాయి. సేనా భవన్ దగ్గర కార్మికులు నివసిస్తున్న తాత్కాలిక నిర్మాణాలకు కూడా మంటలు సోకినట్లు తెలుస్తోంది. ఆ ప్రాంతంలో చిన్న ఎల్పిజి సిలిండర్లు, విద్యుత్ తీగలు ఉండటం వల్ల మంటలు వేగంగా వ్యాపించి ఉండొచ్చు.

ప్రస్తుతం మంటలు పూర్తిగా అదుపులోకి వచ్చాయి. ఘటనలో ప్రాణనష్టం జరిగినట్లు ఇప్పటివరకు సమాచారం లేదు.