చైనాలో భారీ ఇసుక తుఫాను: పగలు రాత్రిగా మారిన హార్బిన్ నగరం

చైనాలోని హార్బిన్ నగరంలో భారీ ఇసుక తుఫాను విధ్వంసం సృష్టించింది. పగలు రాత్రిగా మారడంతో నగరం అంతా చీకట్లో కూరుకుపోయింది. సెకన్ల వ్యవధిలో ధూళి మేఘాలు నగరాన్ని మింగేశాయి. మంగోలియా నుండి వచ్చిన తుఫాను కారణంగా ఈ విపత్తు సంభవించింది. భారీ గాలులు, సున్నా దృశ్యతతో నగర వీధులు అస్తవ్యస్తంగా మారాయి. చెట్లు నేలకూలాయి. దీని ధాటికి నగరంలో తీవ్ర నష్టం వాటిల్లింది.

ఇదే తరహా ఇసుక తుఫాను రాజస్థాన్‌లోని బికనేర్, చూరు ప్రాంతాల్లో రెండు రోజుల క్రితం (మే 30న) సంభవించింది. రాజస్థాన్‌లో భారీ గాలులు, దుమ్ముతో విజిబిలిటీ పూర్తిగా మందగమించింది. చైనాలోని హార్బిన్, భారతదేశంలోని రాజస్థాన్‌లో సంభవించిన ఇసుక తుఫానుల దృశ్యాలు దాదాపు ఒకేలా ఉండటం గమనార్హం. పగటి వెలుగు క్షణాల్లో మాయమై నగరాలు చీకట్లో మునిగిపోయాయి.

చైనాలోని హార్బిన్‌తోపాటు రాజస్థాన్‌లో కూడా ఇలాంటి విపత్తు సంభవించడం ఆందోళన కలిగిస్తోంది. ఈ సంఘటనలు రెండు దేశాల్లో ఒకే సమయంలో చోటుచేసుకోవడం వాతావరణ మార్పుల ప్రభావంగా నిపుణులు అభిప్రాయపడుతున్నారు.