బుధ కర్కాటక సంక్రమణం: జూన్ 22 నుంచి జూలై 7 వరకు కర్కాటక రాశి వారికి జాగ్రత్తలు, పరిహారాలు

జ్యోతిష్య నిపుణులు మాచిరాజు కిరణ్ కుమార్ తెలిపిన వివరాల ప్రకారం, నవగ్రహాలలో బుధుడు జూన్ 22న మధ్యాహ్నం 3:41కి కర్కాటక రాశిలోకి ప్రవేశిస్తారు. ఈ సంచారం జూలై 7 ఉదయం 10:32 వరకు కొనసాగుతుంది.

కర్కాటక రాశి జన్మరాశిగా ఉన్న వారికి బుధుడి ఈ సంచారం వ్యతిరేక ఫలితాలు ఇస్తుందని ఆయన సూచించారు. ఆ కాలంలో ఆ రాశి వారు ఇతరుల విషయాల్లో అనవసరంగా జోక్యం చేసుకోవడం, చెడు స్నేహాల వైపు ఆకర్షితులవడం, జూదం వంటి వ్యసనాలపై ఆసక్తి పెరగడం జరుగుతుందని వివరించారు. సమయానికి భోజనం చేయకపోవడం, నిద్రలేమి వంటి ఇబ్బందులు కూడా ఎదురవుతాయి.

ఈ వ్యతిరేక ఫలితాలను తగ్గించుకోవడానికి జూన్ 22 నుంచి జూలై 7 మధ్య వచ్చే బుధవారాల్లో గణపతి ఆలయానికి వెళ్లి గరిక పోచలు, ఎర్రటి పుష్పాలతో అర్చన చేయించుకోవాలని సూచించారు. ఇంట్లో గణపతి విగ్రహం లేదా ఫోటోకు సిందూరం బొట్లు పెట్టడం, ‘గం గణపతయే నమః’ మంత్రం జపించడం, సంకటనాశక గణేశ స్తోత్రం పఠించడం వల్ల అనుకూలత పెరుగుతుందని తెలిపారు.

తులసికోట వద్ద ఆర్గ్యం విడవడం, ప్రదక్షణలు చేయడం, ‘ఓం బృందావన్యై నమః’ మంత్రం చదవడం వంటివి కూడా బుధుడి అనుగ్రహానికి ఉపయోగపడతాయన్నారు. అదనంగా, బుధవారం నానబెట్టిన పెసలు ఆవుకు తినిపించడం లేదా బుధ హోరలో పెసలు దానం చేయడం, శోడశీ దేవి స్తోత్రం వినడం వంటి చర్యలు చేపట్టాలని సూచించారు. బుధవారం పగలు ఉపవాసం ఉండి, రాత్రి పెసరపప్పు కూడిన ఆహారం తీసుకోవడం వల్ల బుధుడి ప్రతికూల ప్రభావం తగ్గుతుందని ఆయన పేర్కొన్నారు.