మిడ్ మానేరుకు భారీ వరద ప్రవాహం, లోయర్ మానేరుకు నీటి విడుదల

రాజన్న సిరిసిల్ల జిల్లాలోని మిడ్ మానేరు ప్రాజెక్టుకు భారీ వరద ప్రవాహం వస్తోంది. ప్రాజెక్టు నిండుకుండలా మారడంతో లోయర్ మానేరు డ్యామ్‌కు నీరు విడుదల చేశారు.

ఎల్లంపల్లి ప్రాజెక్టు నుంచి 12,600 క్యూసెక్కులు, మూలవాగు, మానేరు వాగుల నుంచి 953 క్యూసెక్కులు కలిపి మొత్తం 13,516 క్యూసెక్కుల వరద ఇన్‌ఫ్లో నమోదవుతోంది. దీంతో అధికారులు నాలుగు గేట్లు ఎత్తి సుమారు 2,000 క్యూసెక్కుల నీటిని లోయర్ మానేరుకు విడుదల చేస్తున్నారు.

ప్రాజెక్టు పూర్తి స్థాయి నిల్వ సామర్థ్యం 27.5 టీఎంసీలు కాగా, ప్రస్తుతం 19 టీఎంసీల నీరు నిల్వ ఉంది. ఎగువ ప్రాంతాల నుంచి వస్తున్న ప్రవాహంతో జలాశయం నిండుతుండటంతో తాగు, సాగునీటి అవసరాలకు ఎలాంటి కొరత ఉండదని అధికారులు తెలిపారు. ఇటీవల కురిసిన వర్షాలతో రైతులు ఆశావహ దృక్పథంలో ఉన్నారు.