హైదరాబాద్ పింక్ పవర్ రన్ 3.0 కార్యక్రమంలో మంత్రి సీతక్క పాల్గొన్నారు

హైదరాబాద్‌లో పింక్ పవర్ రన్ 3.0 కార్యక్రమం జరిగింది. ఈ కార్యక్రమంలో తెలంగాణ మంత్రి సీతక్క పాల్గొన్నారు.

సాధారణ ఆరోగ్యంపై అవగాహన కల్పించడం ఈ పరుగు ముఖ్య ఉద్దేశం. ముఖ్యంగా బ్రెస్ట్ క్యాన్సర్ పట్ల అవగాహన పెంచేందుకు ఈ కార్యక్రమం నిర్వహించారు.

నిర్వాహకులు తెలిపిన వివరాల ప్రకారం ఈ సంవత్సరం సుమారు 50 వేల నుంచి 60 వేల మంది రన్నర్లు పాల్గొన్నారు. వీరిలో హైదరాబాద్‌తో పాటు వివిధ దేశాల నుంచి వచ్చినవారు కూడా ఉన్నారు. ఈ పరుగు మూడో సంవత్సరం నిర్వహిస్తున్నట్టు నిర్వాహకులు చెప్పారు.

పలు పాఠశాలలు, కళాశాలల విద్యార్థులు కూడా ఇందులో పాల్గొన్నారు. మంత్రి సీతక్క మాట్లాడుతూ ఆరోగ్య అవగాహన చాలా ముఖ్యమని, ఇలాంటి కార్యక్రమాలను ఏటా నిర్వహించడం మంచి చొరవ అని చెప్పారు.