కామన్వెల్త్ గేమ్స్‌లో మీరాబాయి చానుకు స్వర్ణం, కొత్త రికార్డు

మీరాబాయి చాను Commonwealth Games లో మహిళల 48 కిలోల వెయిట్‌లిఫ్టింగ్‌లో స్వర్ణ పతకాన్ని సాధించి కొత్త Commonwealth రికార్డును నెలకొల్పారు. భారత్ తరఫున ఈ గేమ్స్‌లో తొలి బంగారు పతకమిది. టోక్యో ఒలింపిక్స్ రజత పతక విజేత అయిన మీరాబాయి చాను ఈ విజయంతో భారత వెయిట్‌లిఫ్టింగ్‌కు మరో గర్వకారణమైంది.

పోటీ అనంతరం ఆమె మాట్లాడుతూ చాలా ఆనందంగా ఉందని, ఎంతో భావోద్వేగానికి గురయ్యానని పేర్కొన్నారు. గత కొంతకాలంగా తీవ్రమైన గాయాలు, మానసిక ఒత్తిడి ఎదుర్కొన్నానని, ఎన్నో త్యాగాలు చేసి ఈ మెడల్ సాధించానని చెప్పారు. "నేను ఎంతో సాక్రిఫైస్ చేశాను. ఇంజురీలతో గేమ్స్‌కు వచ్చి మెడల్ సాధించడం నిజంగా గొప్ప అనుభూతి" అని తెలిపారు.

48 కిలోల విభాగం ఈ Commonwealth Games తోనే ముగియనుంది, ఆ తర్వాత 49 కిలోల విభాగంలోకి మారనున్నారు. "నేను రికార్డు కోసం రాలేదు, నా కోచ్ ఇచ్చిన వెయిట్‌ని విజయవంతంగా ఎత్తడమే లక్ష్యంగా వచ్చాను. నేను ఈ రికార్డు వస్తుందని ఊహించలేదు" అని చెప్పారు. మూడు రోజులుగా ఏమీ తినలేదని, ఇప్పుడు నెమ్మదిగా భోజనం తీసుకుంటానని, ఈ రాత్రి మణిపూర్‌కు చెందిన మరో బాలుడు రజత పతకం సాధించినందున ఇద్దరం కలిసి సెలబ్రేట్ చేసుకుంటామని తెలిపారు.

ఈ విజయాన్ని తన కుటుంబం, కోచ్‌లు, వెయిట్‌లిఫ్టింగ్ ఫెడరేషన్‌కు అంకితం చేస్తున్నట్లు ప్రకటించారు. "కుటుంబం లేకపోతే నేను ఈ స్థాయికి చేరుకోలేను. కోచ్ లేకుండా ఈ విజయం సాధ్యం కాదు. ప్రతి కష్టంలో నా వెన్నంటి నిలిచారు" అని కృతజ్ఞతలు తెలిపారు.