గాంధీనగర్‌లో భవనం కూలి 12 మందికి పైగా చిక్కుకున్నట్లు అనుమానం

గుజరాత్‌లోని గాంధీనగర్‌లో రాత్రి 9:30 గంటల సమయంలో ఒక బిజినెస్ కాంప్లెక్స్ భవనం కూలింది. ఈ ప్రమాదంలో 12 మందికి పైగా శిథిలాల కింద చిక్కుకున్నట్లు అనుమానిస్తున్నారు. అక్కడ 22 మందికి పైగా పనిచేస్తున్నట్లు సమాచారం.

నిర్మాణ పనులు జరుగుతున్న సమయంలో ఈ ఘటన చోటుచేసుకుంది. సమాచారం అందుకున్న సహాయ బృందాలు వెంటనే ఘటనాస్థలానికి చేరుకున్నాయి. రక్షణ చర్యలు ప్రారంభించాయి.

ఇప్పటివరకు ఐదుగురిని శిథిలాల నుంచి బయటకు తీశారు. వారిని గాంధీనగర్ ప్రభుత్వ ఆసుపత్రికి తరలించారు. మరో నివేదిక ప్రకారం పది మందిని రక్షించినట్లు సమాచారం.

శిథిలాల కింద ఉన్న వారి కోసం సహాయ చర్యలు కొనసాగుతున్నాయి. ఈ ప్రమాదానికి కారణం ఇంకా తెలియాల్సి ఉంది.