PM మోదీకి స్లోవేకియా అత్యున్నత పౌర పురస్కారం; 100 విదేశీ పర్యటనల రికార్డు

ప్రధాని నరేంద్ర మోదీకి స్లోవేకియా ప్రభుత్వం తమ దేశ అత్యున్నత పౌర పురస్కారం 'ఆర్డర్ ఆఫ్ ది వైట్ డబుల్ క్రాస్'తో సత్కరించింది.

స్లోవేకియా రాజధాని బ్రటిస్లావాలో జరిగిన ప్రత్యేక కార్యక్రమంలో స్లోవేకియా అధ్యక్షుడు పీటర్ పెలగ్రీని ఈ అవార్డును ప్రధాని మోదీకి ప్రదానం చేశారు. విదేశీ పౌరులకు మాత్రమే స్లోవేకియా ప్రభుత్వం ఈ అత్యున్నత పురస్కారాన్ని అందిస్తుందని అధికారులు తెలిపారు.

ఈ అవార్డును 140 కోట్ల మంది భారతీయులకు అంకితం చేస్తున్నట్లు ప్రధాని మోదీ సామాజిక మాధ్యమం X వేదికగా పేర్కొన్నారు. భారత్-స్లోవేకియా సుదీర్ఘ స్నేహానికి ఈ పురస్కారాన్ని అంకితం ఇస్తున్నట్లు ఆయన పోస్ట్ చేశారు.

ఇప్పటివరకు ప్రధాని మోదీని వరించిన అంతర్జాతీయ పురస్కారాల సంఖ్య 33కి చేరింది. అదే సమయంలో, ప్రధానిగా బాధ్యతలు చేపట్టిన 2014 నుంచి ఇప్పటివరకు 100 విదేశీ పర్యటనలు పూర్తి చేసిన రికార్డును కూడా ఆయన సాధించారు. ఈ కాలంలో ఆయన మొత్తం 78 దేశాలు సందర్శించారు.