ముళ్లపూడి వెంకటరమణ 95వ జయంతి వేడుకలు; పుస్తకాల ఆవిష్కరణ

ముళ్లపూడి వెంకటరమణ 95వ జయంతి సందర్భంగా హైదరాబాద్లో వేడుకలు నిర్వహించారు. అక్షజ్ఞ పబ్లికేషన్స్ ఆధ్వర్యంలో, ముళ్లపూడి కుటుంబ సభ్యుల సౌజన్యంతో ఈ కార్యక్రమం జరిగింది.

50 ఏళ్ల భక్తకన్నప్ప చిత్ర ప్రదర్శన ఏర్పాటు చేశారు. అనంతరం అక్షజ్ఞ పబ్లికేషన్స్ ప్రచురించిన గిరీషం లెక్చర్లు, ఇద్దర అమ్మాయిలు ముగ్గురు అబ్బాయిలు, భక్తకన్నప్ప వెండితెర నవల పుస్తకాలను ఆవిష్కరించారు. హాస్యానందం మాసపత్రిక నిర్వహించిన సింగిల్ పేజ్ హాస్య కథల పోటీ విజేతలకు బహుమతులు ప్రదానం చేశారు.

కార్యక్రమంలో ఆంధ్రప్రదేశ్ డిప్యూటీ స్పీకర్ రఘురామకృష్ణం రాజు పాల్గొని, ముళ్లపూడి వెంకటరమణ తెలుగు సాహిత్యం, సినీ రంగానికి చేసిన సేవలను కొనియాడారు. భక్తకన్నప్ప నవల, ఇద్దరు అమ్మాయిలు ముగ్గురు అబ్బాయిలు, గిరీషం లెక్చర్స్ అనే మూడు పుస్తకాలు పునర్ముద్రించి ఆవిష్కరించడం విశేషం.