భారీ వర్షానికి తడిసి ముద్దయిన ముంబై: రెడ్ అలర్ట్ జారీ

మహారాష్ట్ర మరియు గుజరాత్ రాష్ట్రాల్లో భారీ వర్షాలు కురుస్తున్నాయి. ముంబై వ్యాప్తంగా కురిసిన భారీ వర్షానికి నగర జనజీవనం పూర్తిగా స్తంభించిపోయింది. అనేక ప్రాంతాలు వరద నీటిలో మునిగిపోయాయి. మోకాళ్ళలోతు నీటిలో ప్రజలు తీవ్రమైన అవస్థలు పడుతున్నారు.

ముంబై, పాల్గర్, రాయగడ్ జిల్లాలకు భారత వాతావరణ శాఖ రెడ్ అలర్ట్ జారీ చేసింది. ఈ రోజు ముంబై వ్యాప్తంగా భారీ నుండి అతి భారీ వర్షం కురిసే అవకాశం ఉందని హెచ్చరించింది. రాబోయే మూడు నాలుగు రోజుల పాటు కూడా అతి భారీ వర్షాలు కురిసే అవకాశం ఉందని వాతావరణ శాఖ అధికారులు పేర్కొన్నారు.

రెడ్ అలర్ట్ మరియు ఆరెంజ్ అలర్ట్ జారీ చేసిన ప్రాంతాల్లో ప్రజలు అత్యంత అప్రమత్తంగా ఉండాలని అధికారులు సూచించారు. అత్యవసర పరిస్థితి తప్ప బయటకు రావద్దని కోరారు. ముంబై మహానగరం భారీ వర్షానికి తీవ్రంగా ప్రభావితమైంది.