ఇడుపు కాయితం అంటే ఏమిటి? టైటిల్ వివాదంపై నటుడు మురళీధర్ గౌడ్ వివరణ

"ఇడుపు కాయితం" అంటే తెలంగాణలో విడాకుల పత్రం అని నటుడు మురళీధర్ గౌడ్ వివరించారు. ఈ పేరుతో ఒక సినిమా ప్రారంభం కావడంతో టైటిల్ వివాదం నెలకొన్న నేపథ్యంలో ఆయన క్లారిటీ ఇచ్చారు.

గ్రామాల్లో పెద్దలు కూర్చొని భార్యాభర్తల వివాదాన్ని పరిష్కరించే పద్ధతిని ఇడుపు కాయితం సూచిస్తుందని చెప్పారు. ఇద్దరి మధ్య సంబంధం లేదని ఒక కాగితంపై రాసి పెద్దలు సంతకం చేస్తారన్నారు. అదే ఊళ్లో కోర్టులాంటి వ్యవస్థ అని ఆయన తెలిపారు.

ఇదే సందర్భంలో దర్శకుడు వేణు చిత్రం 'ఎల్లమ్మ'లో తాను నటించడం లేదని మురళీధర్ గౌడ్ స్పష్టం చేశారు. "పాత్రకు తగ్గ నటుడిని ఎంపిక చేయడం తమ్ముడు వేణు శైలి. కాబట్టి నేను ఈ చిత్రంలో లేను" అని వివరించారు.

నటుడిగా తన వృత్తిపరమైన వైఖరి గురించి కూడా ఆయన మాట్లాడారు. సెట్స్‌పై సమయపాలన, నటన పట్ల నిబద్ధత తనకు ముఖ్యమని చెప్పారు. తప్పు జరిగితే తన దగ్గర నిలదీసి మాట్లాడతానని, ఎదుటి వ్యక్తి దాన్ని అర్థం చేసుకుంటే మంచిదన్న అభిప్రాయం వ్యక్తం చేశారు.