నల్గొండ ప్రభుత్వ ఆసుపత్రి నూతన భవన నిర్మాణం నిలిచిపోవడంతో రోగుల అవస్థ

నల్గొండ జిల్లా ప్రభుత్వ ఆసుపత్రిలో కొత్త భవన నిర్మాణం రెండున్నర సంవత్సరాలుగా స్తంభించడంతో రోగులు తీవ్ర ఇబ్బందులు ఎదుర్కొంటున్నారు. పాత 500 పడకల భవనాన్ని కూల్చివేసి, 150 పడకల ఆధునిక భవనం నిర్మించేందుకు 2022లో మంత్రి కోమటిరెడ్డి వెంకట్ రెడ్డి శంకుస్థాపన చేశారు. 45 కోట్ల రూపాయల టెండర్ ఖరారు చేసి, తొమ్మిది నెలల తర్వాత పనులు ప్రారంభమైనా, ప్రస్తుతం అవి పునాది దశలోనే నిలిచిపోయాయి.

ఈ పరిస్థితి కారణంగా ఆసుపత్రిలో సరిపడా పడకలు, వైద్య సౌకర్యాలు లేక రోజుకు 1200 ఓపీ, 2000 మంది రోగులు ఇబ్బంది పడుతున్నారు. ఇన్ పేషెంట్ల సంఖ్య 100 దాటుతోంది. వీరిలో సగం మంది బాలింతలే. పడకలు లేక చాలామంది కిందనే పడుకోబెడుతున్నారు. వారి వెంట వచ్చిన బంధువులు చెట్ల కింద ఉంటూ వానలో తడుస్తూ, ఎండలో ఎండుతున్నారు.

ల్యాబ్, ఎక్స్రే, డయాలసిస్ వంటి రోగ నిర్ధారణ పరికరాలు లేకపోవడంతో, తీవ్ర రోగాలున్నవారిని ప్రైవేటు ఆసుపత్రులకు వెళ్లాలని సిఫార్సు చేస్తున్నారు. మందుల కొరత కూడా తీవ్రంగా ఉంది. వైద్య సిబ్బంది కొరతతోపాటు పర్యవేక్షణ లేదని రోగులు ఆరోపిస్తున్నారు.

కాంట్రాక్టర్ పారిపోవడం, నిధులు కేటాయింపు లేకపోవడం వల్ల నిర్మాణం ఆగిందని స్థానికులు చెబుతున్నారు. నిర్మాణ పనులను కలెక్టర్, ఆసుపత్రి అభివృద్ధి కమిటీ ఎవరూ పట్టించుకోవడం లేదని ఆయన వాపోతున్నారు. నిర్మాణం త్వరగా పూర్తి చేసి రోగులకు అవసరమైన సదుపాయాలు కల్పించాలని వారు డిమాండ్ చేస్తున్నారు.