నల్గొండలో విత్తనాలతో కూడిన మట్టి గణపతి విగ్రహాలు తయారు చేసిన విద్యార్థులు

నల్గొండ జిల్లా దేవరకొండ రోడ్డులోని సాందీప్ స్కూల్‌లో విద్యార్థులు విత్తనాలతో కూడిన మట్టి గణపతి విగ్రహాలను తయారు చేశారు. పర్యావరణ ప్రేమికురాలు అరుణజ్యోతి లోకండి ఈ కార్యక్రమాన్ని నిర్వహించారు.

ఈ విగ్రహాల్లో విత్తనాలను ఉంచారు. వినాయక చవితి తర్వాత విగ్రహాలను నిమజ్జనం చేసినప్పుడు మట్టి, విత్తనాలు భూమిలో కలుస్తాయి. దీనివల్ల ఇంటి పెరట్లో మొక్కలు పెరిగే అవకాశం ఉంటుంది. పిల్లలు తమ చేతులతో విగ్రహాలు చేయడం వల్ల పర్యావరణంపై అవగాహన పెరుగుతుందని నిర్వాహకులు తెలిపారు.

కార్యక్రమానికి నల్గొండ మేయర్ బుర్రి చైతన్య శ్రీనివాస్ రెడ్డి హాజరయ్యారు. సామిరి పంచన దివ్యపీఠం ప్రధాన నిర్వాహకులు ఆర్కే వేదాంతం కూడా పాల్గొన్నారు. పర్యావరణాన్ని కలుషితం చేయకుండా పండుగ జరుపుకోవాలని నిర్వాహకులు సూచించారు.