తెలంగాణలో మరణం తర్వాత మూడో రోజు సంప్రదాయం వెనుక ఉన్న పరమార్థం: నటుడు నరేష్ అనుభవం

నటుడు నరేష్ తెలంగాణలో మరణం తర్వాత మూడో రోజు జరిగే ఒక ఆసక్తికర సంప్రదాయం గురించి తన అనుభవాన్ని పంచుకున్నారు.

తాను 20 ఏళ్ళ కిందట హైదరాబాద్ వచ్చిన కొత్తలో ఒక ఇంట్లో మూడో రోజు కార్యక్రమానికి వెళ్ళానని చెప్పారు. అక్కడ మహిళల ఏడుపు ఉన్నా, కొంతమంది మద్యం తాగుతూ చనిపోయిన వ్యక్తి గురించి మాట్లాడుతూ తనను కూడా తాగమని ఆహ్వానించారు. ఈ పరిస్థితి చూసి ఆయన మొదట అసౌకర్యంగా భావించారు.

తర్వాత ఆ ఇంటి కొడుకును అడగ్గా, ఈ సంప్రదాయాన్ని 'రివ్యూ మీటింగ్'గా చెప్పారు. ఆయన మాటల్లో, 'ప్రతి మనిషికి శత్రువులు, మిత్రులు ఉంటారు. అందరూ మనసులో ఏదో ఒక బాధ, సంతోషం పెట్టుకుంటారు. ఈ మూడో రోజు, అందరూ కూర్చుని మనసు విప్పి మాట్లాడతారు. తిట్టుకునే వాళ్ళు కూడా బాధపడి మర్చిపోదాం అనుకుంటారు' అని వివరించారు. ఈ వివరణ విన్న నరేష్ వాట్ ఎ థాట్ అని అన్నారు.