తెలంగాణ కల్చర్‌ను గౌరవించాలని నటుడు నరేష్ విజ్ఞప్తి

నటుడు నరేష్ తాజాగా తెలంగాణలో తాను చూసిన ఒక ప్రత్యేక అంత్యక్రియల సంప్రదాయం గురించి మాట్లాడారు. బీజేపీలో ఉన్న సమయంలో ఒక గ్రామంలో జిల్లా అధ్యక్షుడి అంత్యక్రియలకు తాను హాజరైన విషయాన్ని గుర్తు చేశారు. అక్కడ చితి చుట్టూ ఒక వ్యక్తి డ్యాన్స్ చేయడం, చితిపై పడుకోవడం, జనం డబ్బులు వేయడం వంటి ఆచారాలను చూసి తాను ఆశ్చర్యపోయానని తెలిపారు. ఆ తరువాత తెలుసుకున్న దాని ప్రకారం, చనిపోయిన వ్యక్తితో చితి దాకా ఉండే స్నేహితుడిని సూచించే ఈ సంప్రదాయం తెలంగాణ ప్రాంతంలో ఉందన్నారు. ఇటీవల తెలుగు సినీ రంగంలో మాండలికాలపై జరిగిన వివాదాల నేపథ్యంలో అన్ని ప్రాంతాల సంస్కృతిని గౌరవించాలని నరేష్ విజ్ఞప్తి చేశారు.