నీట్ 2026 ఫలితాల్లో విజయవాడ శ్రీ చైతన్య విద్యార్థుల ప్రతిభ

నీట్ 2026 ఫలితాల్లో విజయవాడ శ్రీ చైతన్య విద్యార్థులు ఉత్తమ ర్యాంకులు సాధించారు. నేషనల్ టెస్టింగ్ ఏజెన్సీ (NTA) విడుదల చేసిన టాప్ 100 జాబితాలో విజయవాడ సెంటర్ నుంచి నలుగురు విద్యార్థులు స్థానం సంపాదించారు.

శ్రీ చైతన్య విజయవాడ గోశాల క్యాంపస్ ఎగ్జిక్యూటివ్ డీన్ గాంధీ వివరాలు వెల్లడించారు. బూరా సాయిచరణ్ 19వ ర్యాంక్, తన నామాల ప్రేరణ 36వ ర్యాంక్, గ్రంధి హనీష్ 74వ ర్యాంక్, రేలంగి జైశన్ముఖి 86వ ర్యాంక్ సాధించారు. టాప్ 500 లోపు 12 మంది, టాప్ 1000 లోపు 22 మంది విద్యార్థులు ఈ ఒక్క సెంటర్ నుంచి ర్యాంకులు పొందారు.

ఇద్దరు విద్యార్థులు 700కి పైగా మార్కులు తెచ్చుకున్నారు. జె. జాగృతి, అభిజ్ఞ శ్రీనిధి 675 మార్కులతో జాతీయ స్థాయిలో 406వ ర్యాంక్ సాధించారు. ఈ సందర్భంగా విద్యార్థులను సత్కరించారు.

నీట్ రాసిన ఇడిగా అక్షిత తన అనుభవాన్ని పంచుకుంది. తండ్రి మరణం తర్వాత తల్లి స్ఫూర్తితో చదివానని, తండ్రి కలైన డాక్టర్ కావాలనే లక్ష్యంగా పెట్టుకున్నానని తెలిపింది. ఆ తల్లి మాట్లాడుతూ తన కూతురిని చివరి సెక్షన్లో చేర్చినా, క్యాంపస్ బృందం తల్లిదండ్రుల్లా చూసుకుందని, ఆ సహకారంతోనే ఈ ఫలితం సాధ్యమైందని చెప్పారు.