నీట్ యూజీ 2026 రీ ఎగ్జామ్ ఫలితాలు విడుదల: 17 మంది టాపర్లు 705 మార్కులు

నీట్ యూజీ 2026 రీ ఎగ్జామ్ ఫలితాలను నేషనల్ టెస్టింగ్ ఏజెన్సీ (NTA) విడుదల చేసింది.

మొత్తం 720 మార్కులకు 705 మార్కులు సాధించి 17 మంది విద్యార్థులు టాప్ ర్యాంకులు సాధించారు. దేశవ్యాప్తంగా 66 నగరాల నుంచి 138 మంది టాప్ ర్యాంకర్లుగా నిలిచారు. ఈ టాపర్లలో తెలంగాణ, పంజాబ్, హర్యాణ, రాజస్థాన్, ఉత్తరప్రదేశ్, మహారాష్ట్ర, బీహార్, తమిళనాడు రాష్ట్రాల విద్యార్థులు ఉన్నారు.

720 మార్కులకు 19 మంది 700 కంటే ఎక్కువ మార్కులు సాధించారు. 1492 మందికి 650 పైగా, 10,160 మందికి 600 పైగా, 90,780 మందికి 500 పైగా మార్కులు వచ్చాయి.

మే 3న జరిగిన తొలి నీట్ పరీక్ష ప్రశ్నపత్రం లీక్ అయిన నేపథ్యంలో జూన్ 21న దేశవ్యాప్తంగా రీ ఎగ్జామ్ నిర్వహించారు. ఈ పరీక్షకు 20 లక్షల మందికి పైగా విద్యార్థులు హాజరయ్యారు. వీరిలో 11.21 లక్షల మంది మెడికల్ కాలేజీల్లో అడ్మిషన్లకు అర్హత సాధించినట్టు NTA తెలిపింది.

జూలై 13న OMR షీట్లను విడుదల చేసి, నిన్నటివరకు అభ్యంతరాలు స్వీకరించారు. ఈరోజు ఫైనల్ ఆన్సర్ కీ విడుదల చేసిన వెంటనే ఫలితాలను అందుబాటులోకి తెచ్చారు.