హైదరాబాద్‌లో బోనాలు: న్యూజిలాండ్ జంటకు ఆకట్టుకున్న సంప్రదాయ వైభవం

న్యూజిలాండ్‌కు చెందిన జోయెల్, కిమ్ అనే దంపతులు హైదరాబాద్‌లో లష్కర్ బోనాలు ఉత్సవంలో పాల్గొన్నారు. విహార యాత్ర కోసం భారతదేశానికి వచ్చిన వీరు శుక్రవారం హైదరాబాద్ చేరుకున్నారు.

స్థానిక కార్యక్రమాల కోసం ఇంటర్నెట్‌లో వెతుకుతుండగా బోనాలు ఉత్సవం కనిపించిందని, అదే అదృష్టంగా భావించారని చెప్పారు. ఉజ్జయిని మహంకాళి ఆలయంలో దర్శనం చేసుకున్న ఈ దంపతులు ఉత్సవం అద్భుతంగా ఉందని తెలిపారు.

"రంగురంగుల సంప్రదాయం, ప్రజల ఆతిథ్యం, రుచికరమైన ఆహారం ఎంతగానో నచ్చాయి. మా జీవితంలో ఇలాంటి ఉత్సవం ఎక్కడా చూడలేదు. ఇది మా పర్యటనలో అత్యంత విశేషమైన అనుభవంగా నిలిచింది" అని వారు అన్నారు.

భారతదేశం గురించి మాట్లాడుతూ, ప్రజలు చాలా స్నేహపూర్వకంగా ఉన్నారని, ఈ ఉత్సవంలో పాల్గొనడం తమకు గొప్ప అదృష్టంగా భావిస్తున్నామని చెప్పారు. లష్కర్ బోనాలు ఉత్సవం తెలంగాణ సంస్కృతిలో ప్రత్యేకత కలిగి ఉంది. ప్రతి సంవత్సరం ఆషాఢ మాసంలో అమ్మవారికి బోనం సమర్పించే ఈ సంప్రదాయం విదేశీయులను కూడా ఆకట్టుకుంటోంది.