రాయచోటి పేలుడు పదార్థాల కేసులో రెండో నిందితుడిపై NIA చార్జ్‌షీట్

రాయచోటి పేలుడు పదార్థాల కేసులో రెండో నిందితుడు షేక్ మున్సర్ (అలియాస్ మహమ్మద్ అలీ, విజయ్ కుమార్) పై NIA అధికారులు నేడు విజయవాడలోని ప్రత్యేక NIA కోర్టులో చార్జ్‌షీట్ దాఖలు చేశారు.

పేలుడు పదార్థాలను సేకరించి ఇతర ప్రాంతాలకు తరలించడంలో నిందితుడు కీలకంగా సహకరించినట్లు చార్జ్‌షీటులో పేర్కొన్నారు. తమిళనాడులోని 999 బాంబ్ పేలుడు కేసు తర్వాత రాయచోటికి పారిపోయి నకిలీ గుర్తింపు పత్రాలు పొందినట్లు NIA గుర్తించింది.

అదే కేసులో ప్రధాన నిందితుడిపై ఫిబ్రవరిలో NIA చార్జ్‌షీట్ దాఖలు చేసింది. నిందితుడి ఇంటి నుంచి పేలుడు పదార్థాలు, ఇతర ఆధారాలు స్వాధీనం చేసుకున్నట్టు అధికారులు తెలిపారు.

ప్రస్తుతం దర్యాప్తు కొనసాగుతోంది. విచారణలో వెల్లడైన సమాచారం ఆధారంగా ఇతర నిందితులపై విడిగా చార్జ్‌షీట్లు దాఖలు చేస్తామని NIA అధికారులు చెప్పారు.