బెట్టింగ్ యాప్ ప్రమోషన్ కేసులో నటి నిధి అగర్వాల్ ED విచారణకు హాజరు

ఆన్‌లైన్ బెట్టింగ్ గేమింగ్ యాప్ల ప్రమోషన్ కేసులో సినీ నటి నిధి అగర్వాల్ ED విచారణకు హాజరయ్యారు. మధ్యాహ్నం 12 గంటలకు ED కార్యాలయానికి చేరుకున్నారు.

మియాపూర్‌కు చెందిన ఒక వ్యాపారవేత్త ఇచ్చిన ఫిర్యాదు ఆధారంగా ఈ కేసు నమోదైంది. PMLA కింద ED అధికారులు నిధి అగర్వాల్ స్టేట్‌మెంట్ రికార్డు చేశారు.

బెట్టింగ్ కంపెనీతో జరిగిన లావాదేవీలు, ప్రచార ఒప్పందాలపై విచారణ జరిగింది. బెట్టింగ్ యాప్ నిర్వాహకుల నుంచి ఆమెకు డబ్బులు ఏ విధంగా చేరాయని అధికారులు ప్రశ్నించారు.

ఈ కేసులో నటులు రాణా దగ్గుబాటి, ప్రకాశ్ రాజ్, విజయ్ దేవరకొండ, మంచు లక్ష్మి, ప్రణీత, అనన్య నాగళ్లతో పాటు పలువురు సోషల్ మీడియా ఇన్‌ఫ్లుయెన్సర్ల పేర్లు ఉన్నట్లు సమాచారం. ED ఇప్పటికే పలువురికి నోటీసులు జారీ చేసింది.

ప్రస్తుతం నిధి అగర్వాల్ విచారణ కొనసాగుతోంది.