నిమ్స్‌లో చిన్నారులకు ఉచిత గుండె సర్జరీలు – లండన్ నుంచి ప్రత్యేక వైద్య బృందం

హైదరాబాద్‌లోని నిమ్స్ ఆసుపత్రిలో వచ్చే నెల 6వ తేదీ నుంచి చిన్నారులకు ఉచిత గుండె సర్జరీలు చేస్తారు. లండన్ నుంచి ప్రత్యేక వైద్య బృందం వస్తోంది.

ఆగస్టు 13 నుంచే స్క్రీనింగ్ మొదలైంది. సెప్టెంబర్‌లో సర్జరీలు జరుగుతాయి.

ఇప్పటికే ఐదు క్యాంపుల్లో 100 నుంచి 125 మంది పిల్లలకు సర్జరీలు చేసి మంచి ఫలితాలు సాధించామని డాక్టర్ అమరీష్ రావు చెప్పారు.

సర్జరీ ఖర్చు పూర్తిగా తెలంగాణ ప్రభుత్వం భరిస్తుంది. వైట్ కార్డు లేని వారికీ, ఇతర రాష్ట్రాల రోగులకూ ఉచితంగా చేస్తారు. రోటరీ, సంఘాలు, కర్ణాటక ప్రభుత్వం కూడా సహకరిస్తాయి.

గుండె సమస్యతో బాధపడుతున్న చిన్నారుల తల్లిదండ్రులు నిమ్స్ ఆసుపత్రిని సంప్రదిస్తే ఉచితంగా సర్జరీ, మందులు, ఫాలో అప్ లభిస్తాయి. దేశంలో ఎక్కడి నుంచైనా రోగులు వచ్చి చికిత్స పొందవచ్చు.