నిర్మల్‌లో విద్యార్థులు గ్రామసభలో పాల్గొని స్కూల్ సమస్యలు విన్నవించారు

నిర్మల్ జిల్లా కబీర్ మండలం బెల్గా గ్రామంలో విద్యార్థులు గ్రామసభలో పాల్గొన్నారు. పాఠ్యపుస్తకంలో గ్రామసభ పాఠం ఉండడంతో, నిర్వహణ తీరు తెలుసుకోవడానికి స్కూల్ విద్యార్థులు ఈ సమావేశానికి హాజరయ్యారు.

విద్యార్థులు స్థానిక సమస్యలపై జరిగిన చర్చను గమనించి, తమ స్కూల్ సమస్యలను గ్రామసభ దృష్టికి తీసుకువచ్చారు. స్కూల్ ఆవరణ బురదగా మారడంతో మొరం వేయాలని, టీచర్ల కొరత తీర్చడానికి విద్యా వాలంటీర్లను నియమించాలని కోరారు.

విద్యార్థుల సమస్యలు విన్న సర్పంచ్, త్వరలోనే పరిష్కరిస్తామని హామీ ఇచ్చారు. సాధారణంగా పెద్దలు మాత్రమే హాజరయ్యే గ్రామసభలో విద్యార్థులు పాల్గొనడం మండలంలో చర్చనీయాంశంగా మారింది.