నిజామాబాద్‌లో కల్యాణలక్ష్మి, షాదీ ముబారక్ నిధుల దోపిడీ కేసులో ముగ్గురు అరెస్ట్

నిజామాబాద్ జిల్లాలో కల్యాణలక్ష్మి, షాదీ ముబారక్ పథకాల నిధులను మోసపూరితంగా పొందిన కేసులో ముగ్గురు నిందితులను పోలీసులు అరెస్ట్ చేశారు. బిక్కనూరు మండలంలో ఈ నేరం జరిగినట్లు గుర్తించారు.

పోలీసుల కథనం ప్రకారం, బిక్కనూరులోని ఓ జిరాక్స్ సెంటర్ నిర్వాహకుడు బోయిని ప్రసాద్ ఈ కేసులో ప్రధాన నిందితుడు. ఇతడు గెస్టెడ్ అధికారుల సంతకాలు ఫోర్జరీ చేయడం, నకిలీ స్టాంప్‌లు ఉపయోగించడం వంటి పనులు చేశాడు. ప్రసాద్‌తో పాటు కొడెంగల రాజా రాజేందర్, అతని తండ్రి సహాయకులుగా వ్యవహరించినట్లు విచారణలో తేలింది.

ఈ మోసంపై డి.ఎస్.సి మధుసూదన్ రావు పర్యవేక్షణలో ప్రత్యేక బృందాలు దర్యాప్తు చేపట్టాయి. పోలీసులు మొత్తం 52 దరఖాస్తులను గుర్తించారు. వీటిలో 36 మంది లబ్ధిదారులకు ప్రభుత్వం నుండి ఆర్థిక సహాయం మంజూరు అయ్యింది. 18 దరఖాస్తులు ఇంకా పెండింగ్‌లో ఉన్నాయి. నిధులు పొందిన 36 మంది లబ్ధిదారుల అర్హతపై విచారణ కోసం రాష్ట్ర ప్రభుత్వానికి లేఖరాస్తామని ఎస్పీ తెలిపారు. పెండింగ్‌లో ఉన్న దరఖాస్తుల ప్రాసెసింగ్‌ను ఆపాలని ఉన్నతాధికారులకు సూచిస్తామని చెప్పారు.