నంద్యాల: నల్లమల అడవిలో గుప్తనిధుల కోసం క్షుద్ర పూజలు; అటవీ శాఖ విచారణ

నంద్యాల జిల్లా మహానంది సమీపంలోని నల్లమల అడవిలో క్షుద్ర పూజలు కలకలం రేపాయి. మహానంది ఆలయం వెనుక 2 కిలోమీటర్ల దూరంలో అటవీ ప్రాంతంలో గుర్తు తెలియని వ్యక్తులు క్షుద్ర పూజలు నిర్వహించారు.

కుంకుమ, పసుపు, నిమ్మకాయలతో నిర్వహించిన ఈ పూజల స్థలంలో గుంతలు తవ్వినట్లు అధికారులు గుర్తించారు. గుప్త నిధుల కోసమే ఈ పూజలు చేసినట్లు అనుమానిస్తున్నారు.

ఈ ఘటనపై అటవీ శాఖ అధికారులు స్పందించారు. ఫారెస్ట్ బీట్ ఆఫీసర్ల ప్రమేయంపై విచారణ చేపట్టారు.