ఒంగోలు మున్సిపాలిటీ 150 ఏళ్ల వేడుకలు: ప్రత్యేక కార్యక్రమాలు

ఒంగోలు మున్సిపాలిటీ ఏర్పడి సెప్టెంబర్ 30వ తేదీకి 150 సంవత్సరాలు పూర్తవుతున్నాయి. ఈ సందర్భంగా 150 ఏళ్ల వేడుకల కోసం ప్రత్యేక కార్యక్రమాల బ్రోచర్ను మంత్రి డోలా శ్రీ బాలవీరాంజనేయ స్వామి ఆవిష్కరించారు.

కార్యక్రమంలో ఎమ్మెల్యే దామచల్ల జనార్దన రావు, కలెక్టర్ రాజాబాబు పాల్గొన్నారు. మంత్రి మాట్లాడుతూ ఒంగోలు గ్రామం నుంచి పట్టణంగా, నగరంగా అభివృద్ధి చెందిందని తెలిపారు. ఈ వేడుకల్లో అందరూ భాగస్వామ్యం కావాలని పిలుపునిచ్చారు.

ఈ నెల 24 నుంచి క్రీడలు, కళాకారుల ప్రదర్శనలు వంటి కార్యక్రమాలు ప్రారంభమవుతాయి. గుంటూరు నుంచి వచ్చే మార్గంలో ఫ్లైఓవర్ కింద జిల్లా ప్రముఖుల చిత్రాలను ఏర్పాటు చేస్తున్నారు. ఒంగోలు చరిత్రను తెలిపే మాన్యుమెంట్ నిర్మించాలని మంత్రి తెలిపారు.

విదేశాల్లో, దేశంలోని ఇతర ప్రాంతాల్లో ఉన్న ఒంగోలు వాసులు కూడా ఈ వేడుకల్లో పాల్గొనాలని మంత్రి విజ్ఞప్తి చేశారు.