యూట్యూబర్ ప్రశ్న రావణ్‌పై UAPA కేసు: విజయవాడలో విపక్షాల రౌండ్‌టేబుల్ సమావేశం

విజయవాడలో వామపక్ష పార్టీల రౌండ్‌టేబుల్ సమావేశం జరిగింది. ఈ సమావేశంలో మాజీ మంత్రి వైయస్సార్‌ కాంగ్రెస్‌పార్టీ నాయకుడు అంబటి రాంబాబు, సీపీఐ నేత నారాయణ తదితరులు పాల్గొన్నారు. యూట్యూబర్ ప్రశ్న రావణ్‌పై నమోదైన UAPA కేసును నేతలు తీవ్రంగా విమర్శించారు. ఈ కేసు రాజకీయ ప్రయోజనాలకుగాను, రావణ్‌ను అణచివేసేందుకు పెట్టిందని ఆరోపించారు.

కేంద్ర, రాష్ట్ర ప్రభుత్వాలు ప్రజల సమస్యల నుంచి దృష్టి మళ్లించేందుకు ఈ కేసును కుట్రగా రూపొందించాయని వారు ఆరోపించారు. రావణ్ తమపై కూడా విమర్శలు చేశారని, అయినా అన్యాయమైన చట్టాన్ని ఉపయోగించడాన్ని వ్యతిరేకిస్తున్నామని సీపీఐ నేత నారాయణ పేర్కొన్నారు. ప్రశ్న రావణ్‌పై UAPA చట్టం కింద కేసు పెట్టడం ప్రజాస్వామ్య హక్కులకు విఘాతం కలిగిస్తున్నట్లు మాజీ మంత్రి అంబటి రాంబాబు వ్యాఖ్యానించారు.