NEET UG 2026లో అనాథ బాలిక ముత్తవ్వకు విజయం

నిర్మల్ జిల్లా లోకేశ్వరం మండలం లోసారా గ్రామానికి చెందిన తోకల ముత్తవ్వ NEET UG 2026 లో విజయం సాధించింది. ఆమె 406 మార్కులతో జనరల్ కేటగిరీలో 25,807వ ర్యాంకు, OBC కేటగిరీలో 1,22,138వ ర్యాంకు పొందింది.

ముత్తవ్వ చిన్నతనంలోనే తల్లిదండ్రులను కోల్పోయింది. తనకు రెండేళ్ల వయసులో తండ్రి అనారోగ్యంతో, పదేళ్ల వయసులో తల్లి అనారోగ్యంతో మరణించారు. వైద్య సదుపాయాలు లేకపోవడం వల్లే తల్లిదండ్రులు చనిపోయారని, అందుకే తాను డాక్టర్ కావాలని చిన్నప్పటి నుంచే నిర్ణయించుకుంది.

ఆమె నాలుగో తరగతి వరకు స్థానిక పాఠశాలలో, ఐదు నుంచి పదో తరగతి వరకు ఖానాపూర్ బీసీ గురుకుల పాఠశాలలో చదివింది. తర్వాత సరూర్‌నగర్ బీసీ గురుకుల పాఠశాలలో ఇంటర్మీడియట్ చదివి 979 మార్కులు సాధించింది.

ఎలాంటి కోచింగ్ సెంటర్‌లు లేకుండా, కేవలం ఉపాధ్యాయుల మార్గదర్శకత్వంతో NEET పరీక్షకు సిద్ధమైంది. తాను గైనకాలజిస్ట్ కావాలనే లక్ష్యంతో ముందుకెళ్తున్నట్లు ఆమె చెప్పింది.