ఉస్మానియాలో విద్యార్థి ఉద్యమకారుల సమావేశం: 250 గజాల స్థలం ఇవ్వాలని డిమాండ్

ఉస్మానియా యూనివర్సిటీ ఆర్ట్స్ కళాశాలలో తెలంగాణ విద్యార్థి ఉద్యమకారుల సమావేశం జరిగింది. కాంగ్రెస్ పార్టీ తన మేనిఫెస్టోలో ఇచ్చిన హామీని నెరవేర్చాలని, విద్యార్థి ఉద్యమకారులందరికీ 250 గజాల స్థలం కేటాయించాలని వారు డిమాండ్ చేశారు.

రాష్ట్రంలోని వివిధ యూనివర్సిటీల నుండి వచ్చిన విద్యార్థి ఉద్యమకారులు ఈ సమావేశంలో పాల్గొన్నారు. డిసెంబర్ 9వ తేదీ లోపు విద్యార్థి జేసీ ప్రతిపాదనలను ప్రభుత్వం ఆమోదించాలని సమావేశం ఏకగ్రీవంగా తీర్మానించింది.

తమ డిమాండ్లను బలంగా ముందుకు తీసుకెళ్లేందుకు విద్యార్థి ఉద్యమకారులంతా కలిసి ప్రెజర్ గ్రూప్‌గా ఏర్పడతామని వారు ప్రకటించారు. అలాగే, వివిధ యూనివర్సిటీల విద్యార్థి ఉద్యమకారుల పోరాట చరిత్రలను ఒక పుస్తకంగా ప్రచురించాలని కూడా నిర్ణయించారు.