OTT కంటెంట్ లేమి, థియేటర్లకు కొత్త ఊపు

ప్రపంచవ్యాప్తంగా OTT ప్లాట్‌ఫారమ్‌ల షేర్ విలువ గణనీయంగా తగ్గింది. నెట్‌ఫ్లిక్స్ గత ఏడాదిలో 42% విలువ కోల్పోయింది. కొత్త కంటెంట్ లేకపోవడమే ప్రధాన కారణంగా విశ్లేషకులు చెబుతున్నారు.

దీంతో ప్రేక్షకులు థియేట్రికల్ అనుభవం కోసం మళ్లీ సినిమా హాల్‌లకు వెళ్తున్నారు. తెలుగు రాష్ట్రాల్లో జూన్ నుంచి విడుదలైన ‘పెద్ది’, ‘మా ఇంటి బంగారం’, ‘లెనిన్’, ‘చెన్నై లవ్ స్టోరీ’ వంటి సినిమాలు మంచి ప్రేక్షకాదరణ పొందాయి. థియేటర్ల ముందు హౌస్‌ఫుల్ బోర్డులు కనిపించాయి.

పరిశ్రమ వర్గాల సమాచారం ప్రకారం, OTT కంటెంట్ కొరత కొనసాగితే థియేటర్లకు డిమాండ్ మరింత పెరిగే అవకాశం ఉంది. స్టార్ హీరోలు సినిమాలను ఆలస్యం చేయకుండా ఏడాదికి ఒకటి రెండు చిత్రాలు విడుదల చేయడం వల్ల ఈ ఊపు నిలబడుతుందని ట్రేడ్ వర్గాలు అభిప్రాయపడుతున్నాయి.