అమిత్ షా సమావేశంపై ఒవైసీ ఆరోపణ: ఎన్ఆర్సీ అమలుకు సన్నాహాలు!

కేంద్ర హోంమంత్రి అమిత్ షా ఇటీవల నిర్వహించిన సమావేశం, ప్రభుత్వం నేషనల్ రిజిస్టర్ ఆఫ్ సిటిజన్స్ (NRC) అమలుకు సన్నాహాలు చేస్తోందనే అనుమానానికి దారితీసిందని ఎంఐఎం అధినేత అసదుద్దీన్ ఒవైసీ ఆరోపించారు.

కేంద్ర హోంశాఖ ఒక ఉన్నత స్థాయి కమిషన్ను ఏర్పాటు చేసి, రిటైర్డ్ సుప్రీంకోర్టు న్యాయమూర్తిని నియమించిందని, జనాభా మార్పులు వచ్చిన ప్రాంతాలను, అకస్మాత్తుగా జనాభా పెరిగిన ప్రాంతాలను ఆ కమిషన్ పరిశీలిస్తుందని ఒవైసీ తెలిపారు. ఈ కమిషన్తో పాటు, అమిత్ షా ఇటీవల తీసుకున్న సమావేశంలో ఎస్ఐఆర్ (SIR)లో మినహాయించిన 6 కోట్ల మంది పేర్లను కూడా పరిశీలిస్తామని చెప్పారని ఆయన పేర్కొన్నారు.

'అమిత్ షా హోంమంత్రిగా ఏ పని చేసినా ప్రణాళికతోనే చేస్తారు. ఆయన ఖాళీ ప్రచారం చేయరు. ఈ సమావేశం కూడా ఏదో ఒక కార్యక్రమంలో భాగమే' అని ఒవైసీ వ్యాఖ్యానించారు. 'చివరికి వారు NRC అమలు చేయాలని చూస్తున్నారని నా అనుమానం. అయితే నేను తప్పు కావచ్చును' అని ఆయన జోడించారు.

కాగా, NRC అనేది పౌరసత్వ నిర్ధారణకు సంబంధించిన రిజిస్టర్. అసోంలో గతంలో NRC అమలు చేయగా, దేశవ్యాప్తంగా దీన్ని అమలు చేయాలని బీజేపీ డిమాండ్ చేస్తోంది. దీనిపై విపక్షాలు తీవ్ర వ్యతిరేకత వ్యక్తం చేస్తున్నాయి.