అధిక మాస పద్మిని ఏకాదశి వ్రతం: పూజా విధానం, దానం చేయాల్సిన వివరాలు

అధిక మాసంలో శుక్ల పక్షంలో వచ్చే ఏకాదశిని పద్మిని ఏకాదశి అంటారు. ఈ ఏకాదశి అరుదైన సందర్భంగా పరిగణిస్తారు.

గతంలో తెలిసో తెలియకో ఏకాదశి ఉపవాసం పాటించలేకపోతే, ఆ దోషాలు తొలగడానికి ఈ వ్రతం చేస్తారని చెప్తారు. ఇందుకోసం 33 సంఖ్యలో పువ్వులు, పళ్ళు, దీపాలు వెలిగించడం, తీపి పదార్థాలు దానం ఇవ్వాలని పేర్కొంటారు.

33 అనే సంఖ్యకు ఆధ్యాత్మిక ప్రాముఖ్యత ఉందని చెప్తారు. అష్టవసువులు (8), ఏకాదశ రుద్రులు (11), ద్వాదశ ఆదిత్యులు (12), జీవాత్మ-ఏకాత్మ (2) కలిపితే 33 వస్తుందని పురాణ కథనాలు వివరిస్తున్నాయి.

మామిడి పళ్ళు, అరటి పళ్ళు, మైసూరు పాకు వంటి తీపి పదార్థాలు యథాశక్తి 33 సంఖ్యలో దానం ఇవ్వాలని సూచిస్తున్నారు. ఆసుపత్రిలో ఉండటం, ఔషధ సేవనం వంటి కారణాలతో ఉపవాసం పాటించలేకపోయినా దోషం పోతుందని విశ్వసిస్తారు.