పద్మిని ఏకాదశి 2026: మే 27న పురుషోత్తమ ఏకాదశి వ్రత విధానం

మే 27, 2026న పద్మిని ఏకాదశి వస్తోంది. దీన్నే పురుషోత్తమ ఏకాదశి అని కూడా అంటారు. ఇది మలమాసంలో అంటే అధిక మాసంలో వచ్చే ఏకాదశి.

ఈ ఏకాదశి జ్యేష్ట శుక్ల పక్షంలో వస్తుంది. ఈ సంవత్సరం నిజ జేష్టం, అధిక జేష్టం అనే రెండు జ్యేష్ట మాసాలు వచ్చాయి. ఇలా రెండు జ్యేష్ట మాసాలు రావడం ప్రతి మూడు నుండి నాలుగు సంవత్సరాలకు ఒకసారి జరుగుతుంది.

ఏకాదశి మే 26వ తేదీ ఉదయం 7 గంటల 10 నిమిషాలకు మొదలవుతుంది. మే 27వ తేదీ వరకు ఉంటుంది. వైష్ణవ సంప్రదాయంలో మే 27న, మిగతా సంప్రదాయాల్లో మే 26 రాత్రి ఈ వ్రతం ఆచరిస్తారు.

భవిష్యోత్తర పురాణం ప్రకారం ఈ ఏకాదశి కృత యుగం నుండి ఉందని చెప్పబడింది. పద్మిని దేవి అనే ఆమె ఈ వ్రతాన్ని తొలిసారి ఆచరించిందని పురాణ కథ చెబుతోంది. ఆమె హరిశ్చంద్ర మహారాజు కుమార్తె. ఆమె భర్త కృతవర్మ మహారాజు. ఈ దంపతులు సంతానం కోసం అనసూయ దేవి సలహాతో ఈ వ్రతం చేశారని, దాని ఫలితంగా కార్తవీర్యార్జునుడు జన్మించాడని పురాణ గాథ చెప్తోంది.

ఈ వ్రత విధానంలో దశమి రోజు రాత్రి సంకల్పం చేసుకోవాలి. ఏకాదశి ఉదయం స్నాన సంధ్యావందనాది అనుష్ఠానాలు పూర్తి చేసి విష్ణు పూజ చేయాలి. ఏకాదశి విష్ణువుకు ప్రీతికరమైన రోజని శాస్త్రాలు చెప్తున్నాయి.