భోగాపురం ఎయిర్‌పోర్టులో బెంగళూరు నుంచి వచ్చిన తొలి విమానంపై ప్రయాణికుడి స్పందన

భోగాపురం ఎయిర్‌పోర్టులో బెంగళూరు నుంచి వచ్చిన విమానం ల్యాండ్ అయింది. ఆ విమానంలో వచ్చిన ఓ ప్రయాణికుడు తన అనుభవాన్ని పంచుకున్నారు.

ఇది తొలి విమానంగా తమకు చెప్పినట్లు ఆయన తెలిపారు. భోగాపురం విమానాశ్రయంలో దిగినప్పుడు సొంత గ్రామంలో దిగినంత ఆనందం కలిగిందన్నారు. ప్రయాణికులకు సాంప్రదాయ రీతిలో స్వాగతం పలికారన్నారు.

విమానాశ్రయానికి అల్లూరి సీతారామరాజు పేరు పెట్టడం గొప్ప విషయమన్నారు. ప్రధాని నరేంద్ర మోడీ, కేంద్ర పౌర విమానయాన శాఖ మంత్రి రామ్మోహన్ నాయుడుకు కృతజ్ఞతలు తెలిపారు. ఉత్తరాంధ్రకు ఈ విమానాశ్రయం కలలకు రెక్కలు వచ్చినట్టుగా ఉందన్నారు.