పవన్ కళ్యాణ్ మంగళగిరిలో చతుర్మాస దీక్ష ప్రారంభం

ఆంధ్రప్రదేశ్ ఉప ముఖ్యమంత్రి పవన్ కళ్యాణ్ మంగళగిరిలోని పానకాల లక్ష్మీ నరసింహ స్వామి ఆలయంలో చతుర్మాస దీక్షను ప్రారంభించారు. ఈ దీక్ష నాలుగు నెలల పాటు కొనసాగుతుంది.

దీక్షలో భాగంగా ఆయన రోజూ ఖద్దరు బట్టలు మాత్రమే ధరిస్తారు. అవి చందనం రంగులో ఉంటాయి. ఉదయం పూట పాలు, పండ్లు, పండ్ల రసాలు మాత్రమే తీసుకుంటారు. మాంసాహారం పూర్తిగా మానేస్తారు. భూమిపైనే నిద్రిస్తారు.

ఆధ్యాత్మిక గురువు వద్ద నుంచి అందుకున్న మంత్రోపదేశాన్ని అనుసరిస్తూ రోజువారీ అనుష్టానం, దేవతారాధన, ధ్యానం చేస్తారు.

ఉప ముఖ్యమంత్రిగా, జనసేన అధ్యక్షుడిగా, నటుడిగా తన విధులు నిర్వర్తిస్తూనే ఈ దీక్షను కొనసాగిస్తారని సమాచారం. కార్తీక మాసంలో దీక్ష ముగుస్తుంది.