కొల్లాపూర్ లో యంగ్‌ ఇండియా స్కూల్ పనులను పరిశీలించిన మంత్రి జూపల్లి కృష్ణారావు

మంత్రి జూపల్లి కృష్ణారావు కొల్లాపూర్ నియోజకవర్గం పెద్దవేల్లి మండలం జటపర గ్రామంలో నిర్మిస్తున్న యంగ్‌ ఇండియా ఇంటిగ్రేటెడ్ రెసిడెన్షియల్ స్కూల్ పనులను సందర్శించారు. నిర్మాణ పురోగతిని అధికారులను అడిగి తెలుసుకున్నారు.

పనులు వేగంగా పూర్తి చేయాలనీ, నాణ్యత విషయంలో రాజీపడవద్దనీ మంత్రి ఆదేశించారు. అన్ని వర్గాల పిల్లలకు సమానంగా నాణ్యమైన విద్య అందించే లక్ష్యంతో ప్రభుత్వం ఈ స్కూళ్లను ఏర్పాటు చేస్తోందని వివరించారు.

పేద, మధ్య తరగతి కుటుంబాల పిల్లలకు కార్పొరేట్ స్థాయి విద్యను అందుబాటులోకి తేవడమే ప్రభుత్వ ఉద్దేశమని మంత్రి చెప్పారు. ప్రయోగశాలలు, క్రీడా సౌకర్యాలు, హాస్టల్ వసతులతో ఆధునికంగా ఈ స్కూళ్లను నిర్మిస్తున్నామని తెలిపారు. ప్రతి నియోజకవర్గంలో బాలురు, బాలికలకు విడిగా యంగ్‌ ఇండియా ఇంటిగ్రేటెడ్ రెసిడెన్షియల్ స్కూళ్లను ఏర్పాటు చేయాలన్నది ప్రభుత్వ దృక్పథమని అన్నారు.