కాకినాడలో డిప్యూటీ సీఎం పవన్ కళ్యాణ్ 'మాటామంత్రి' కార్యక్రమం ప్రారంభం

ఏపీ డిప్యూటీ సీఎం పవన్ కళ్యాణ్ ఇవాళ కాకినాడ జిల్లాలో 'మాటామంత్రి' కార్యక్రమాన్ని ప్రారంభించారు.

సాయంత్రం 4 గంటలకు కాకినాడ వివేకానంద పార్క్ ఫంక్షన్ హాల్‌లో ఈ కార్యక్రమం మొదలైంది. ప్రజల సమస్యలను నేరుగా తెలుసుకుని పరిష్కారాల కోసం ఈ కార్యక్రమాన్ని రూపొందించారు.

జనసేన పార్టీ కేంద్ర కార్యాలయం మంగళగిరిలో ఇప్పటికే నిర్వహిస్తున్న 'జనవాణి' కార్యక్రమం తరహాలో దీన్ని అమలు చేయనున్నారు. జిల్లాలోని ప్రజలు తమ ఫిర్యాదులను నేరుగా డిప్యూటీ సీఎం‌కు అందించి మాట్లాడే అవకాశం ఉంది.

ఈ రోజు ఉదయం రాజమండ్రి విమానాశ్రయం నుంచి పవన్ కళ్యాణ్ కాకినాడ చేరుకున్నారు. కార్యక్రమంలో జనసేన నాయకులు, కార్యకర్తలు పెద్ద సంఖ్యలో పాల్గొన్నారు.

కార్యక్రమం ముగిసిన తర్వాత ఆయన విజయవాడకు బయలుదేరనున్నట్టు అధికారులు తెలిపారు.