కాకినాడలో నేడు పవన్ కళ్యాణ్ ‘మాటా-మంతి’ కార్యక్రమం ప్రారంభం

ఉప ముఖ్యమంత్రి పవన్ కళ్యాణ్ నేడు కాకినాడలో పర్యటించనున్నారు. ప్రజల వద్దకు పరిపాలనను తీసుకెళ్లే లక్ష్యంతో ‘మాటా-మంతి’ పేరుతో కొత్త కార్యక్రమాన్ని ఆయన ప్రారంభిస్తున్నారు.

కాకినాడలోని ఫాబ్ కన్వెన్షన్ సెంటర్లో ఈ కార్యక్రమం జరగనుంది. రాష్ట్రవ్యాప్తంగా చేపట్టబోయే ఈ వినూత్న కార్యక్రమాన్ని కాకినాడ నుంచే మొదలుపెడుతున్నట్లు ఎమ్మెల్యే పంతం నానాజీ తెలిపారు.

ఈ కార్యక్రమం ద్వారా ప్రజల నుంచి నేరుగా అర్జీలు స్వీకరించి, వాటి పరిష్కారానికి చర్యలు తీసుకుంటారు. దీర్ఘకాలంగా పెండింగ్లో ఉన్న సమస్యలపై కూడా చర్చించనున్నారు. రాష్ట్రంలోని అన్ని ప్రాంతాలకూ ఈ కార్యక్రమాన్ని విస్తరించాలని ప్రణాళిక ఉందని పేర్కొన్నారు.