పవన్ కళ్యాణ్ భుజం శస్త్రచికిత్స ఖర్చులు వ్యక్తిగత నిధుల నుంచే

ఆంధ్రప్రదేశ్ ఉపముఖ్యమంత్రి పవన్ కళ్యాణ్ తన భుజం శస్త్రచికిత్స, ప్రయాణ ఖర్చులను సొంత డబ్బుతో చెల్లించారు. ప్రభుత్వ నిధులు వాడకూడదనే తన వ్యక్తిగత విధానాన్ని ఆయన కొనసాగిస్తున్నారు.

ముంబైలోని కోకిలాబెన్ ధీరుబాయి అంబాని ఆస్పత్రిలో ఆయనకు కుడి భుజం శస్త్రచికిత్స జరిగింది. ఆపరేషన్ విజయవంతమైందని, సుమారు మూడు గంటల పాటు జరిగిందని వైద్యులు తెలిపారు. ఎడమ భుజానికి రెండు నెలల తర్వాత శస్త్రచికిత్స చేయనున్నారు. పవన్ కళ్యాణ్ ఈరోజు డిశ్చార్జి కావొచ్చని పార్టీ వర్గాలు చెప్తున్నాయి.

ఇంతకుముందు ముక్కుకు జరిగిన శస్త్రచికిత్స ఖర్చులను కూడా పవన్ వ్యక్తిగతంగానే భరించారు. మంత్రివర్గ సభ్యులకు ప్రభుత్వ నిధుల నుంచి చికిత్స ఖర్చులు పొందే అవకాశం ఉన్నప్పటికీ, ప్రజా ధనాన్ని వ్యక్తిగత అవసరాలకు వినియోగించకూడదని ఆయన ఇప్పటికే ప్రకటించారు.

పవన్ కళ్యాణ్ ఆరోగ్యం గురించి ముఖ్యమంత్రి చంద్రబాబు నాయుడు, ఇతర మంత్రులు ఆస్పత్రికి వెళ్లి పరామర్శించారు.