సోషల్ మీడియా ట్ర్యాప్ పై యువతకు పవన్ కల్యాణ్ హెచ్చరిక

డిప్యూటీ ముఖ్యమంత్రి పవన్ కల్యాణ్ యువతను సోషల్ మీడియా ట్ర్యాప్లో పడవద్దని హెచ్చరించారు. ప్రస్తుత తరం తమ మనస్సును కాపాడుకోవాలని, ఆకర్షణీయ ఐడియాలజీలకు లోబడకూడదని ఆయన అన్నారు.

సోషల్ మీడియా ఒక మానసిక యుద్ధభూమిగా మారింది. విభజన రాజకీయాలు చేస్తున్నారు. యువత ఎనర్జీని సాంప్రదాయ రాజకీయ పార్టీలు ఎలా వాడుకుంటున్నాయో ఆరబ్ స్ప్రింగ్ ఉదాహరణతో వివరించారు. అక్కడ నిరసనలు యువత నడిపించినా చివరకు ఎన్నికల్లో సంప్రదాయ పార్టీలే గెలిచాయని గుర్తు చేశారు.

యువత తమ శక్తిని సరైన మార్గంలో పెట్టాలని, గొప్ప తర్కం, నిబద్ధతతో ముందుకు సాగాలని పవన్ కల్యాణ్ సూచించారు. స్వతంత్రంగా నిర్ణయాలు తీసుకోవడమే అతి పెద్ద ఆయుధమని ఆయన అన్నారు.