గ్రేట్ నికోబార్ నుంచి ఇండోనేషియా కేవలం 150 కి.మీ., సబాంగ్ పోర్టుతో సముద్ర సహకారం: PM మోదీ

భారత్-ఇండోనేషియా మధ్య భౌగోళిక సాన్నిహిత్యంపై ప్రధాని నరేంద్ర మోదీ కీలక ప్రకటన చేశారు. గ్రేట్ నికోబార్ దీవి నుంచి ఇండోనేషియాలోని ఆచే ప్రాంతం దాదాపు 150 కిలోమీటర్ల దూరంలోనే ఉందని ఆయన తెలిపారు. ఇండోనేషియాతో సంబంధాలను మరింత బలోపేతం చేసుకోవడంపై పీఎం మోదీ ప్రత్యేక దృష్టి పెట్టారు. సబాంగ్ పోర్టును అభివృద్ధి చేసి రెండు దేశాల మధ్య సముద్ర వాణిజ్యాన్ని విస్తరించే అవకాశాలపై ఆయన మాట్లాడారు. 21వ శతాబ్దంలో భారత్, ఇండోనేషియాలు చారిత్రక సంబంధాల స్ఫూర్తితో కొత్త భవిష్యత్తును నిర్మించుకుంటున్నాయని పీఎం అభిప్రాయపడ్డారు. గతంలో 2018లో భారత్-ఇండోనేషియా సంయుక్త ప్రకటనలో సబాంగ్ పోర్టు వ్యూహాత్మక ప్రాధాన్యతను గుర్తించారు. హిందూ మహాసముద్రంలో చైనా పెరుగుతున్న ప్రభావం నేపథ్యంలో ఇండోనేషియాతో సముద్ర భాగస్వామ్యం భారత్‌కు అత్యంత కీలకం. ఆగ్నేయాసియా దేశాలతో సంబంధాలకు ఇండోనేషియా కేంద్రంగా ఉండటంతో ఈ సహకారం ఇరు దేశాల ఆర్థిక, భద్రతా ప్రయోజనాలకు ఉపయోగపడనుంది.