ప్రధాని మోదీ ఇండోనేషియా పర్యటనలో రక్షణ, సాంకేతికత, సాంస్కృతిక సహకార ఒప్పందాలు

ప్రధాని నరేంద్ర మోదీ ఇండోనేషియా పర్యటన సందర్భంగా రెండు దేశాల మధ్య పలు కీలక ఒప్పందాలు కుదిరాయి. రక్షణ, సాంకేతికత, వాణిజ్యం, సాంస్కృతిక రంగాల్లో సహకారం మెరుగుపరిచే ఈ ఒప్పందాలపై సంతకాలు జరిగాయి.

భారత్‌కు చెందిన బ్రహ్మోస్ సూపర్ సోనిక్ క్రూయిజ్ క్షిపణిని ఇండోనేషియా కొనుగోలు చేయనుంది. ఆపరేషన్ సిందూర్ సందర్భంగా బ్రహ్మోస్ సామర్థ్యాన్ని చూసిన ఇండోనేషియా ఈ నిర్ణయం తీసుకుంది. సముద్ర భద్రత, పోర్టుల అభివృద్ధి, క్రిటికల్ మినరల్స్ సరఫరా గొలుసులో కూడా ఒప్పందాలు జరిగాయి.

సాంకేతిక రంగంలో యూపీఐ చెల్లింపు వ్యవస్థను ఇండోనేషియా పేమెంట్ సిస్టమ్‌తో అనుసంధానించనున్నారు. ఇండోనేషియాలో ఐఐఎం బెంగళూరు క్యాంపస్ ఏర్పాటు, అంతరిక్ష రంగంలో ఉమ్మడి పరిశోధన, స్టెయిన్‌లెస్ స్టీల్, రేర్ ఎర్త్ మాగ్నెట్ల తయారీలో భాగస్వామ్య ఒప్పందాలు చేసుకున్నారు.

సాంస్కృతిక సహకారంలో భాగంగా యోగ్యకార్తాలోని ప్రభనంద్ (ప్రంబనన్) ఆలయ పరిరక్షణ ప్రాజెక్టు ప్రారంభించనున్నారు. రవీంద్రనాథ్ టాగోర్ ఇండోనేషియా పర్యటన శతాబ్ది ఉత్సవాలను రెండు దేశాలు ఘనంగా నిర్వహించేందుకు నిర్ణయించాయి. ఎన్నికల కమీషన్ల మధ్య ఎంఓయూ కుదిరింది. రెండు రాష్ట్రాల పరిష్కారానికి మద్దతు తెలుపుతూ ప్రధాని మోదీ పాలస్తీనా అంశంపై తన వైఖరిని స్పష్టం చేశారు.