గత 12 ఏళ్లలో భారత్ తయారీ రంగం గణనీయ వృద్ధి: ప్రధాని మోదీ

ప్రధాని నరేంద్ర మోదీ మాట్లాడుతూ గత 12 ఏళ్లలో భారత్ తయారీ రంగం గణనీయంగా పెరిగిందని అన్నారు. డిఫెన్స్ ఉత్పత్తి దాదాపు నాలుగు రెట్లు పెరిగిందని తెలిపారు. ఖాదీ, గ్రామీణ పరిశ్రమల ఉత్పత్తి దాదాపు ఐదు రెట్లు పెరిగిందన్నారు. ఎలక్ట్రానిక్ తయారీ దాదాపు ఏడు రెట్లు పెరగగా, మొబైల్ ఫోన్ ఉత్పత్తి 33 రెట్లు పెరిగిందని చెప్పారు.

డిజిటల్ రంగంలోనూ వృద్ధి కనిపిస్తోందని ప్రధాని అన్నారు. ఇంటర్నెట్ వినియోగదారులు దాదాపు నాలుగు రెట్లు పెరిగారన్నారు. పేటెంట్లు మంజూరయ్యే సంఖ్య నాలుగు రెట్లు పెరిగిందని తెలిపారు. డిజిటల్ లావాదేవీలు 100 రెట్లు పెరిగాయని మోదీ చెప్పారు.

ప్రజల సౌకర్యాల విషయంలో గతంతో పోలిస్తే వేగం పెరిగిందన్నారు. ఏడాదికి సగటున నల్లా నీటి కనెక్షన్లు 15 రెట్లు వేగంగా ఇచ్చామన్నారు. గ్యాస్ కనెక్షన్లు 6 రెట్లు వేగంగా ఇచ్చామని చెప్పారు. పేదలకు టాయిలెట్ల నిర్మాణం 4 రెట్లు, ఇళ్ల నిర్మాణం 3 రెట్లు వేగంగా జరిగిందన్నారు.

పాలనలో అనేక మార్పులు తీసుకొచ్చామని ప్రధాని పేర్కొన్నారు. వేలాది compliance లు, వందలాది పాత చట్టాలు రద్దు చేశామన్నారు. గత శతాబ్దపు చట్టాల నుంచి 21వ శతాబ్దపు అవసరాలకు తగిన విధానాలకు మారుతున్నామని తెలిపారు.