ఏదులాపురంలో మంత్రి పొంగులేటి ప్రజా సమస్యలపై సమీక్ష

ఖమ్మం జిల్లా ఏదులాపురం మున్సిపాలిటీ పరిధిలో మంత్రి పొంగులేటి శ్రీనివాస్ రెడ్డి పర్యటించారు. ఉదయం నడక సాగిస్తూ స్థానిక ప్రజలతో మాట్లాడి సమస్యలు తెలుసుకున్నారు. ఈ సందర్భంగా ఆయన అధికారులకు పలు సూచనలు చేశారు. పచ్చదనం పెంచాలని, పరిశుభ్రత పాటించాలని, రాబోయే రోజుల్లో అవసరమైన అన్ని మౌలిక వసతులు కల్పించాలని ఆదేశించారు.

మున్సిపాలిటీ అభివృద్ధి కోసం ముఖ్యమంత్రి రేవంత్ రెడ్డి రూ.100 కోట్ల నిధులు మంజూరు చేసినట్లు మంత్రి తెలిపారు. కొత్తగా ఏర్పడిన మున్సిపాలిటీ కావడంతో రోడ్లు, డ్రైన్లు, తాగునీటి సమస్యలపై దృష్టి సారించారు. గిరిజన కాలనీలు, బీసీ కాలనీల్లో గృహ నిర్మాణం కోసం ఇందిరా మహిళా ఇళ్ల పథకం కింద కేటాయింపులు చేస్తామన్నారు.

మున్సిపాలిటీలో మూడు నాలుగు ప్రాంతాల్లో పార్కుల నిర్మాణం ప్రారంభమైందని, ఆగస్టు 31 నాటికి పూర్తవుతాయని మంత్రి వెల్లడించారు. స్థానిక ఎమ్మెల్యేగా అధికారులతో సమన్వయం చేసుకుంటూ మున్సిపాలిటీని మరింత అభివృద్ధి చేస్తామన్నారు.