TNT పేలుడు పదార్థాన్ని త్వరగా గుర్తించే పోర్టబుల్ IoT పరికరం రూపకల్పన

BITS Pilani హైదరాబాద్, గోవా క్యాంపస్ల పరిశోధకులు IISER కోల్‌కతా శాస్త్రవేత్తలతో కలిసి TNT పేలుడు పదార్థాన్ని వేగంగా గుర్తించే పోర్టబుల్ IoT పరికరాన్ని రూపొందించారు.

అధిక సాంద్రత కలిగిన TNT పేలుడు పదార్థాన్ని ఖచ్చితంగా, వేగంగా గుర్తించడం భద్రతా సంస్థలకు కీలకం. ఈ సమస్యకు పరిష్కారంగా తక్కువ ఖర్చుతో ఆపరేట్ చేయగల పరికరం తయారు చేసినట్లు BITS Pilani హైదరాబాద్ తెలిపింది.

పరికరంలోని 3D పాలిమర్ సెన్సార్ TNT కాంటాక్ట్‌లోకి వచ్చినప్పుడు కాంతి తీవ్రత ఒక్కసారిగా పెరుగుతుంది. ఈ కాంతిని ఎలక్ట్రానిక్ సిగ్నల్‌గా మార్చి TNT ఉనికిని పరికరం గుర్తిస్తుంది.

ప్రస్తుతం ఈ పరికరం ప్రోటోటైప్ దశలో ఉంది. ఫీల్డ్ వినియోగానికి మరిన్ని పరీక్షలు అవసరమని శాస్త్రవేత్తలు చెప్పారు. భవిష్యత్తులో పేలుడు పదార్థాలను వెంటనే అక్కడికక్కడే గుర్తించే భద్రతా వ్యవస్థల రూపకల్పనకు ఈ సాంకేతికత ఉపయోగపడుతుందని వారు వివరించారు.