పోసాని కృష్ణ మురళి తొలినాళ్ల కష్టాలు

ప్రముఖ సినీ నటుడు, రచయిత పోసాని కృష్ణ మురళి తన తొలినాళ్ల కష్టాలను ఇటీవల ఓ ఇంటర్వ్యూలో పంచుకున్నారు. సినిమా రంగంలోకి రాకముందు తాను నాజ్ థియేటర్‌లో క్లర్క్‌గా, టికెట్లు అమ్మే ఉద్యోగం చేశానని తెలిపారు. అలాగే టమాటా బుట్టలు కుట్టే పని కూడా చేసేవారు. ఆ రోజుల్లో ఐదు నుంచి ఏడు రూపాయలు మాత్రమే సంపాదించేవారు.

పోసాని మాట్లాడుతూ, తనకు ఎక్కడైనా ఏ పనైనా చేయగలననే నమ్మకం ఉండేదని, ఉదయం 7 గంటల నుంచి రాత్రి 12 దాటినా పనిచేయగలిగే శక్తి ఉండేదని వివరించారు. తాను చాలా ఆరోగ్యంగా ఉండేవాడినని, రోజుకు 10 నుంచి 15 గంటలు కూడా వర్క్ చేసిన సందర్భాలు ఉన్నాయని గుర్తు చేసుకున్నారు.

తల్లి చనిపోయిన తర్వాత బంధువులు ఎవరూ తమకు ఆర్థిక సాయం చేయలేదని ఆయన తెలిపారు. ప్రస్తుతం పోసాని కృష్ణ మురళి సినిమాల్లో నటిస్తూ, రచయితగా బిజీగా ఉన్నారు.