యుద్ధ ట్యాంక్లకు రక్షణగా బుల్లెట్, బాంబు ప్రూఫ్ కాంపోజిట్ ఆర్మర్ అభివృద్ధి

అంతర్జాతీయ యుద్ధాల్లో డ్రోన్ల ద్వారా యుద్ధ ట్యాంక్లకు ఎదురవుతున్న ముప్పు నేపథ్యంలో కోయంబత్తూరులోని అమృత విశ్వవిద్యాపీఠం పరిశోధకులు ఒక కొత్త రక్షణ కవచాన్ని అభివృద్ధి చేశారు. ఈ కవచం బుల్లెట్లు, బాంబు దాడులను తట్టుకునే సామర్ధ్యం కలిగి ఉంది.

దీనిని భారత సైన్యానికి చెందిన వైట్ టైగర్ డివిజన్ బాబీనా ఫీల్డ్ ఫైరింగ్ రేంజ్‌లో పరీక్షించింది. కాంపోజిట్ ప్లేట్‌పై బాంబును పేల్చినా, అది ఎటువంటి నష్టాన్నీ పొందలేదు.

డ్రోన్ల దాడుల నుంచి ట్యాంక్లను రక్షించేందుకు 'కోప్ కేజ్' అనే మెటల్ కేజ్‌ను సాధారణంగా వాడుతారు. ఈ కొత్త కాంపోజిట్ ఆర్మర్ ఆ కోప్ కేజ్ నిర్మాణాల్లో ఉపయోగపడుతుందని, భవిష్యత్తులో భారత సైన్యం ట్యాంకులకు ఈ సాంకేతికతను అందించే అవకాశం ఉందని పరిశోధకులు తెలిపారు.