పెద్దపల్లి జిల్లాలో వర్షం కోసం గ్రామ దేవతలకు జలాభిషేకం

పెద్దపల్లి జిల్లా సుల్తానాబాద్ పట్టణంలో మహిళలు గ్రామ దేవతలకు నీటితో అభిషేకం చేశారు. వర్షాలు కురిసి పంటలు బాగా పండాలని ప్రార్థించారు.

నీళ్ల బిందెలతో ఆలయం చుట్టూ ప్రదక్షిణలు చేసి, పోచమ్మ, ఎల్లమ్మ దేవతలకు జలాభిషేకం నిర్వహించారు. స్థానిక మహిళలు ఈ కార్యక్రమంలో పాల్గొన్నారు. వారు మాట్లాడుతూ, గత ఆరేళ్ల క్రితం ఇలాగే జలాభిషేకం చేసినప్పుడు వర్షాలు బాగా కురిశాయని తెలిపారు.

జిల్లాలో ఇటీవల వర్షాభావ పరిస్థితులు నెలకొన్నాయి. సాగు ఆలస్యం కావడంతో రైతులు ఆందోళన వ్యక్తం చేస్తున్నారు. పంటలు పండకపోతే కరువు తలెత్తుతుందనే ఆందోళన నెలకొంది. ఈ నేపథ్యంలోనే మహిళలు దేవతలను ప్రార్థించడం ద్వారా వర్షం కోసం ఆశతో ఈ కార్యక్రమం చేపట్టారు.

ఈ ప్రాంతంలో రైతులు వర్షం కోసం ఎదురుచూస్తున్నారు.