ప్రధాని మోదీ విధానాలు కాపీ చేశా.. ఏ కోర్టులోనూ దావా వేయలేరు: ఇండోనేషియా అధ్యక్షుడు ప్రబోవో

ఇండోనేషియా అధ్యక్షుడు ప్రబోవో సుబియాంటో భారత ప్రధాని నరేంద్ర మోదీ విధానాలను తాను అధ్యయనం చేసి, ఇష్టపూర్వకంగా కాపీ చేశానని సరదాగా వ్యాఖ్యానించారు. కాపీ హక్కు లేనందున ప్రధాని మోదీ అనుమతితోనే ఆయన విధానాలను అనుసరించానని, కనుక ఏ కోర్టులోనూ తనపై దావా వేయలేరని ఆయన నవ్వుతూ చెప్పారు. భారత పర్యటనలో ఉన్న ప్రబోవో, ప్రధాని మోదీతో కలిసి ఏర్పాటు చేసిన కార్యక్రమంలో ఈ వ్యాఖ్యలు చేశారు. అధ్యక్షుడిగా ఎన్నిక కావడానికి ముందే మోదీ విధానాలను క్షుణ్ణంగా పరిశీలించానని ప్రబోవో తెలిపారు. ప్రపంచవ్యాప్తంగా మోదీ నాయకత్వానికి ఇది మరోసారి గుర్తింపు లభించడంతో పాటు, భారత్-ఇండోనేషియా సంబంధాలు మరింత బలోపేతమవుతాయని విశ్లేషకులు భావిస్తున్నారు. ఇరు దేశాల మధ్య రక్షణ, వాణిజ్య ఒప్పందాలు కూడా కుదరవచ్చని అంచనా. ప్రబోవో పర్యటనలో భాగంగా రాష్ట్రపతి ద్రౌపది ముర్ము, ప్రధాని మోదీతో చర్చలు జరుపుతారని సమాచారం.