సినీ నటుడు ప్రదీప్ రావత్ (74) గుండెపోటుతో మృతి

ప్రముఖ సినీ నటుడు ప్రదీప్ రావత్ (74) గుండెపోటుతో ముంబైలో మృతి చెందారు. గత పదేళ్లుగా క్యాన్సర్ వ్యాధితో బాధపడుతున్న ఆయన, ఇటీవల గుండెపోటుకు గురై ఆసుపత్రిలో చికిత్స పొందుతూ తుదిశ్వాస విడిచారు. ఆయన మృతి పట్ల చలనచిత్ర పరిశ్రమ సంతాపం ప్రకటిస్తోంది.

మధ్యప్రదేశ్‌లోని జబల్పూర్‌లో 1952 జనవరి 21న జన్మించిన ప్రదీప్ రావత్, విలన్ పాత్రలతో గుర్తింపు పొందారు. హిందీ సినిమా ‘భాగి’తో కెరీర్ ప్రారంభించిన ఆయన, తెలుగులో నితిన్ ‘సై’ చిత్రం ద్వారా పరిచయమయ్యారు. ప్రభాస్ ‘చత్రపతి’లో రాజ్‌బిహారి పాత్ర, సూర్య ‘గజిని’లో విలన్ పాత్రతో మంచి గుర్తింపు పొందారు.

‘మహాభారత్’ టీవీ సీరియల్‌లో అశ్వద్ధామ పాత్ర కూడా పోషించారు. తెలుగు, తమిళ, హిందీ భాషల్లో దాదాపు 100కి పైగా చిత్రాల్లో నటించారు. ‘సై’ సినిమాకు ఉత్తమ విలన్‌గా ఫిల్మ్‌ఫేర్ అవార్డు అందుకున్నారు. ఈ ఏడాది విడుదలైన ‘గాయపడ్డ సింహం’ ఆయన చివరి సినిమా.